🚩ॐಶ್ರೀಮಹಾಲಕ್ಷ್ಮೀನಮೋಸ್ತುತೇ
ದಾ ರಿ ದ್ರ್ಯ ನಾ ಶ ನಂ
🌷|| ಸಿದ್ಧಿಲಕ್ಷ್ಮೀಸ್ತೋತ್ರಂ ||🌷
ಬ್ರಾಹ್ಮೀಂ ಚ ವೈಷ್ಣವೀಂ ಭದ್ರಾಂ ಷಡ್ಭುಜಾಂಚ ಚತುರ್ಮುಖಾಂ |
ತ್ರಿನೇತ್ರಾಂ ಚ ತ್ರಿಶೂಲಾಂ ಚ ಪದ್ಮಚಕ್ರಗದಾಧರಾಂ ||
ಪೀತಾಂಬರಧರಾಂ ದೇವೀಂ ನಾನಾಲಂಕಾರಭೂಷಿತಾಂ |
ತೇಜಃಪುಂಜಧರಾಂ ಶ್ರೇಷ್ಠಾಂ ಧ್ಯಾಯೇದ್ಬಾಲಕುಮಾರಿಕಾಂ ||
ಓಂಕಾರಲಕ್ಷ್ಮೀರೂಪೇಣ ವಿಷ್ಣೋರ್ಹೃದಯಮವ್ಯಯಂ |
ವಿಷ್ಣುಮಾನಂದಮಧ್ಯಸ್ಥಂ ಹ್ರೀಂಕಾರಬೀಜರೂಪಿಣೀ ||
ಓಂ ಕ್ಲೀಂ ಅಮೃತಾನಂದಭದ್ರೇ ಸದ್ಯ ಆನಂದದಾಯಿನೀ |
ಓಂ ಶ್ರೀಂ ದೈತ್ಯಭಕ್ಷರದಾಂ ಶಕ್ತಿಮಾಲಿನೀ ಶತ್ರುಮರ್ದಿನೀ ||
ತೇಜಃಪ್ರಕಾಶಿನೀ ದೇವೀ ವರದಾ ಶುಭಕಾರಿಣೀ |
ಬ್ರಾಹ್ಮೀ ಚ ವೈಷ್ಣವೀ ಭದ್ರಾ ಕಾಲಿಕಾ ರಕ್ತಶಾಂಭವೀ ||
ಆಕಾರಬ್ರಹ್ಮರೂಪೇಣ ಓಂಕಾರಂ ವಿಷ್ಣುಮವ್ಯಯಂ |
ಸಿದ್ಧಿಲಕ್ಷ್ಮಿ ಪರಾಲಕ್ಷ್ಮಿ ಲಕ್ಷ್ಯಲಕ್ಷ್ಮಿ ನಮೋಽಸ್ತುತೇ ||
ಸೂರ್ಯಕೋಟಿಪ್ರತೀಕಾಶಂ ಚಂದ್ರಕೋಟಿಸಮಪ್ರಭಂ |
ತನ್ಮಧ್ಯೇ ನಿಕರೇ ಸೂಕ್ಷ್ಮಂ ಬ್ರಹ್ಮರೂಪವ್ಯವಸ್ಥಿತಂ ||
ಓಂಕಾರಪರಮಾನಂದಂ ಕ್ರಿಯತೇ ಸುಖಸಂಪದಾ |
ಸರ್ವಮಂಗಲಮಾಂಗಲ್ಯೇ ಶಿವೇ ಸರ್ವಾರ್ಥಸಾಧಿಕೇ ||
ಪ್ರಥಮೇ ತ್ರ್ಯಂಬಕಾ ಗೌರೀ ದ್ವಿತೀಯೇ ವೈಷ್ಣವೀ ತಥಾ |
ತೃತೀಯೇ ಕಮಲಾ ಪ್ರೋಕ್ತಾ ಚತುರ್ಥೇ ಸುರಸುಂದರೀ ||
ಪಂಚಮೇ ವಿಷ್ಣುಪತ್ನೀ ಚ ಷಷ್ಠೇ ಚ ವೈಏಷ್ಣವೀ ತಥಾ |
ಸಪ್ತಮೇ ಚ ವರಾರೋಹಾ ಅಷ್ಟಮೇ ವರದಾಯಿನೀ ||
ನವಮೇ ಖಡ್ಗತ್ರಿಶೂಲಾ ದಶಮೇ ದೇವದೇವತಾ |
ಏಕಾದಶೇ ಸಿದ್ಧಿಲಕ್ಷ್ಮೀರ್ದ್ವಾದಶೇ ಲಲಿತಾತ್ಮಿಕಾ ||
ಏತತ್ಸ್ತೋತ್ರಂ ಪಠಂತಸ್ತ್ವಾಂ ಸ್ತುವಂತಿ ಭುವಿ ಮಾನವಾಃ |
ಸರ್ವೋಪದ್ರವಮುಕ್ತಾಸ್ತೇ ನಾತ್ರ ಕಾರ್ಯಾ ವಿಚಾರಣಾ ||
ಏಕಮಾಸಂ ದ್ವಿಮಾಸಂ ವಾ ತ್ರಿಮಾಸಂ ಚ ಚತುರ್ಥಕಂ |
ಪಂಚಮಾಸಂ ಚ ಷಣ್ಮಾಸಂ ತ್ರಿಕಾಲಂ ಯಃ ಪಠೇನ್ನರಃ ||
ಬ್ರಾಹ್ಮಣಾಃ ಕ್ಲೇಶತೋ ದುಃಖದರಿದ್ರಾ ಭಯಪೀಡಿತಾಃ |
ಜನ್ಮಾಂತರಸಹಸ್ರೇಷು ಮುಚ್ಯಂತೇ ಸರ್ವಕ್ಲೇಶತಃ ||
ಅಲಕ್ಷ್ಮೀರ್ಲಭತೇ ಲಕ್ಷ್ಮೀಮಪುತ್ರಃ ಪುತ್ರಮುತ್ತಮಂ |
ಧನ್ಯಂ ಯಶಸ್ಯಮಾಯುಷ್ಯಂ ವಹ್ನಿಚೌರಭಯೇಷು ಚ ||
ಶಾಕಿನೀಭೂತವೇತಾಲಸರ್ವವ್ಯಾಧಿನಿಪಾತಕೇ |
ರಾಜದ್ವಾರೇ ಮಹಾಘೋರೇ ಸಂಗ್ರಾಮೇ ರಿಪುಸಂಕಟೇ ||
ಸಭಾಸ್ಥಾನೇ ಶ್ಮಶಾನೇ ಚ ಕಾರಾಗೇಹಾರಿಬಂಧನೇ |
ಅಶೇಷಭಯಸಂಪ್ರಾಪ್ತೌ ಸಿದ್ಧಿಲಕ್ಷ್ಮೀಂ ಜಪೇನ್ನರಃ ||
ಈಶ್ವರೇಣ ಕೃತಂ ಸ್ತೋತ್ರಂ ಪ್ರಾಣಿನಾಂ ಹಿತಕಾರಣಂ |
ಸ್ತುವಂತಿ ಬ್ರಾಹ್ಮಣಾ ನಿತ್ಯಂ ದಾರಿದ್ರ್ಯಂ ನ ಚ ವರ್ಧತೇ ||
ಯಾ ಶ್ರೀಃ ಪದ್ಮವನೇ ಕದಂಬಶಿಖರೇ ರಾಜಗೃಹೇ ಕುಂಜರೇ
ಶ್ವೇತೇ ಚಾಶ್ವಯುತೇ ವೃಷೇ ಚ ಯುಗಲೇ ಯಜ್ಞೇ ಚ ಯೂಪಸ್ಥಿತೇ |
ಶಂಖೇ ದೇವಕುಲೇ ನರೇಂದ್ರಭವನೀ ಗಂಗಾತಟೇ ಗೋಕುಲೇ
ಸಾ ಶ್ರೀಸ್ತಿಷ್ಠತು ಸರ್ವದಾ ಮಮ ಗೃಹೇ ಭೂಯಾತ್ಸದಾ ನಿಶ್ಚಲಾ ||
ಇತಿ ಶ್ರೀಬ್ರಹ್ಮಾಂಡಪುರಾಣೇ ಈಶ್ವರವಿಷ್ಣುಸಂವಾದೇ
ದಾರಿದ್ರ್ಯನಾಶನಂ ಸಿದ್ಧಿಲಕ್ಷ್ಮೀಸ್ತೋತ್ರಂ ಸಂಪೂರ್ಣಂ
__________________________________________________
🌹 ಶ್ರೀಕೃಷ್ಣಾರ್ಪಣಮಸ್ತು 🌹
🙏 ಸಪಾರೆ ನಾಗೇಂದ್ರ
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ